Exemple


ل رێکەفتی ٢٧/٦/٢٠١٩ شاندەکی بلند یێ وەزارەتا ناڤخۆیا عیراقێ سەردانا کەمپا بێرسڤێ١ کر ب ئارمانجا ڤەکرنا نڤیسینگەھا دەرخستنا بەلگەنامێن بارێ شارستانێ وعیراقی یێ ئاوارێن کەمپێ، شاندێ ناڤبری ب سەرۆکاتیا لواء محمد ساجت رێڤەبەرێ نڤیسینگەھا دیفچۆنا گشتی یا وەزارەتا ناڤخۆیا عێراقێ بوو دگەل چەندین ئافسەرێن پلە بەرز یێ وەزارەتا ناڤخۆیی و ھاتن پێشوازیکرن ژلایێ بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران و بەرێز بۆتان محسن قائمقامێ قەزا زاخۆ
ئارمانجا سەردانا شاندێ ناڤبری دیفچۆنا رەوشا ئاواران ل کەمپان و بتایبەت دبوارێ بەلگەنامێن بارێن شارستانی وعیراقی دا، ب ڤێ مەرەمێ شاندێ ناڤبری نڤیسینگەھەک تایبەت دڤی بواری دا ڤەکرن بۆ دیفچۆن و دەرخستنا بەلگەنامێن ئاواران، و ھەر ھەمان رۆژ دا نڤیسینگەھێ دەست ب چێکرنا بەلگەنامێن ئاوارێن کەمپێ کرن و کارێ نڤیسینگەھێ دێ بەردەوام بت و دێ ل دەمێ نیزیک نڤیسینگەھێ ب ڤێ ئارمانجێ ل کەمپێ دی یێ پارێزگەھا دھۆکێ ھێنە ڤەکرن
ئەڤ نڤیسینگەھە ژلایێ وەزارەتا نافخۆیا عیراقێ و پارێزگەھا دھۆکێ- بۆردێ کاروبارێن مرۆڤایەتی و کۆمسیۆنا بلندا نەتەوێن یەکگرتی ڤە دھێتە رێڤەبرن ب ھەڤکاری دگەل رێکخراوێن قەندیل و ھاریکار، ئارمانجا کارێ نڤیسینگەھێ دەرخستنا بەلگەنامێن عیراقێ و بارێن شارستانی یێ ئاوارانە ل کەمپێن سنورێ پارێزگەھا دھۆکێ یە

Facebook Twitter Google Digg Reddit LinkedIn Pinterest StumbleUpon Email
Exemple


ل رێکەفتی ٢٤/٦/٢٠١٩ ل ئاڤاھیێ پارێزگەھا دھۆکێ کۆمبوونا بۆردێ کارویارێن مرۆڤایەتی و کارگیریێن کەمپان ل دۆر نویترین پێشھات سەبارەت رەوشا ئاواران و پەنابەران ھاتە ئەنجام دان

کۆمبوون ب سەرپەرشتیا بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران و ب ئامادەبوونا رێڤەبەرێن ھەمی کەمپان ھاتە ئەنجام دان، د کۆمبونێ دا دان و ستاندن ل سەر چەندین سەکتەرێن ژیانێ ل ناڤا کەمپان ھات کرن، دیسان کێشە و کێماسی و داخوازیێن کەمپان ھاتن باس کرن، ھاریکارێ پارێزگاری داکوکی ل رێڤەبەرێن کەمپان کر کو بەردەوام بن و بتر کارگیریێن کەمپان کاربکەن پێخەمەت بتر گەھاندنا ھاریکاریان و چارەسەرکرنا کێشێن کەمپان و رێڤەبرنا کارێن وان، داکو رەوشا ئاواران و پەنابەران باشتر بیت، ل دیف دا رێڤەبەرێن کەمپان نویترین پێشھات سەبارەت رەوشا کەمپان دانە دیارکرن و گەنگەشە ل سەر ھات کرن

Facebook Twitter Google Digg Reddit LinkedIn Pinterest StumbleUpon Email
Exemple


ل رێکەفتی ٢٠/٦/٢٠١٩ بەرێز نوفل موسی ب یاوەریا ساندەکی وەزارەتێن پەیوەندی دار یێن حکومەتا ئیتحادی ل عیراقێ سەردانا ھەردۆ کەمپێن کەبەرتو١ و٢ دان و ژلایێ بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران و رێڤەبەرێن کەمپێن ناڤبری ڤە ھاتن پێشوازیکرن
دسەردانێ دا دان و ستاندن ل دۆر رەوشا ئاواران ل ناڤ کەمپان ھات کرن و باس ل کێشە و داخوازیێن کەمپان کرن، دپەیڤەکێ دا بەرێز إسماعیل محمد ھاریکارێ پارێزگارێ دھۆکێ سۆپاسیا شاندێ میڤاندار کر و داخواز کر کو حکومەتا عیراقێ بتر کار بکەت و خزمەتێ پێشکێشی ئاواران ل سنورێ پارێزگەھا دھۆکێ بکەت، پێخەمەت رەوشا وان ل ناڤ کەمپان باشتر بێت
دیف دا دان وستاندن ل سەر چەندین بابەتان یێن گرێ دای رەوشا ئاواران و پەنابەران ل سنورێ پارێزگەھا دھۆکێ ھات کرن، و شاندێ ناڤبری سوز دا کو کارێن جدی بکەن پێخەمەت چارەسەرکرنا ئاریشێن ئاواران و خۆشکرنا رەشا وان

Facebook Twitter Google Digg Reddit LinkedIn Pinterest StumbleUpon Email
Exemple


درێ و رەسمەکێ مەزن دا و ب ئامادەبوونا چەندین دام و دەزگایێن میری و رێکخراواێن نیڤ دەولی و ناڤخۆی وجەماوەرەک مەزن ژ ئاواران و پەنابەران و خەلکێ خۆجھێ پارێزگەھێ ل پارکا نەورۆز ل ناڤەندا پارێزگەھا دھۆکێ ل رێکەفتی ٢٠/٦/٢٠١٩ سالیادا جیھانی یا پەنابەران ھاتە ساخکرن
رێ ورەسمان دەست پیکر ب رێ یا پێشان دانا بەرھەم و کارێن رێکخراوان یێن لناڤ ئاواران و پەنابەران وەک کارێن دەستی وپێشانگەھێن وینە و جل وبەرک و تابلوێن دەستی، پاشی چەندیین برگێن ھۆنەری و ستران و دیلان و پەیڤ ل سەر ستیجێ پارکێ ھاتن پێشکێشکرن
د پەیڤەکێ دا بەرێز دیڤید مولبا رێڤەبەرێ ئۆفیسا دھۆک یێ کۆمسیۆنا بلندا نەتەوێن ئێکگرتی (یۆ ئین سی ار)، ئامار و داتا یێن نی یێ جیھانێ ل دۆر کار و چالاکێن کۆمسیۆنێ، دیسان باس ل رەوشا ئاواران و پەنابەران ل عیراقێ و ھەرێما کوردستانێ کر، ھەرھۆسا سۆپاسیێ خۆ پێشکێشی پارێزگەھا دھۆکێ کر بۆ خزمەتا وان دبوارێ ئاواران و پەنابەران دا
پاشی پەیڤا پارێزگەھا دھۆکێ ھاتە پێکشێشکرن ژلایێ بەرێز بھزاد علی دام پارێزگارێ دھۆکێ ب وەکالت، دپەیڤا خۆدا پارێزگارێ دھۆکێ سۆپاسیا رێکخراوا (یۆ ئین سی ار) و ھەمی رێکخراوان کر ئەوێن پشتەڤانیا پارێزگەھا دھۆکێ دکن دبوارَ ئاواران و پەنابەران دا، و داخواز کر کو بتر پشتەڤانی ل ئاواران و پەنابەران بھێت کرن پێخەمەت بتر خۆشکرنا رەوشا وان پارێزگەھا دھۆکێ، دیسان ھیڤی خواست کو رەوش ل ناوچەیێن ئاواران و پەنابەران ئارام بت و خەلک ب سەربلندانە ڤەگەرێت سەر وارێن خۆ
ھەژی گۆتنێ یە ئاماژە بدەن کو سالڤەکەرا رۆژا جیھانی یا پەنابەران ژ لایێ کۆمسۆنا بلندا نەتەوەێن ئیکگرتی ل پاریزگەھا دھۆکێ و بۆردێ کارو بارێن مرۆڤایەتی ڤە و چەندین رێکخران ڤە ھاتبوو رێکحستن و ئەنجام دان

Facebook Twitter Google Digg Reddit LinkedIn Pinterest StumbleUpon Email
Exemple


ل رێکەفتی ٢٣/٦/٢٠١٩ ژبۆ ژ نیزیک ھایدرا بوون ل سەر رەوشا ئاواران ل ناڤ کەمپان، شاندەکی وەلاتێ ئەلمانیا سەردانا ھەردۆ کەمپێن کەبەرتو١و٢ کر، شاندێ ناڤبری ب سەرۆکاتیا خانم انالینا سەرۆکا پارتا کەسک و ئەنداما پەرلەمانێ ئەلمانیا و چەندین کەسایەتیێن وەلاتێ ئەلمانیا بوون و ژلایێ بەرێز إسماعیل محمد احمد ھاریکارێ پارێزگارێ دھۆکێ ڤە ھاتن پێشوازیکرن
دپەیڤەکێ دا بەرێز اسماعیل محمد ھاریکارآَ پارێزگاری بخێرھاتنا شاندێ میڤاندار کر و سۆپاسیا وەلاتێ ئەلمانیا کر بۆ پشتەڤانیا وان بۆ ھەرێما کوردستانێ د بوارێ مرۆڤایەتی دا و داخواز کر وەلاتێ ئەلمانیا یێ بەردەوام بت ل سەر پشتەڤانیکرنا خۆ ب تایبەت دبوارێ ئاواران و پەنابەران دا، پاشی خانم الینا ئەنداما پەرلەمانێ ئەلمانیا سۆپاسیا حکومەتا ھەرێما کوردستانێ کر بۆ خزمەتکرنا ئاواران وپەنابەران و ئاماژە دا کو دێ بەردەوام بن ل سەر پشتەڤانیکرنا خۆ، دیسان دیار کر کو ئارمانجا سەردانا وان داکو ژ نیزیک ھایداری رەوشا ئاواران و پەنابەران بن و بتایبەت رزگار بووێن دەستێ داعش و ھەرھۆسا ئاماژە دا کو ئەو دێ ھەول دن ھندەک پرۆژان ل ناڤ ئاواران ئەنجام بدەن بتایبەت دبوارێ خزمەتکرنا رزگار بوویان دا

Facebook Twitter Google Digg Reddit LinkedIn Pinterest StumbleUpon Email
Exemple


ل رێکەفتی ١٨/٦/٢٠١٩ ب ئامادەبوونا بەرێز دۆمنیک ماس قۆنسلێ فرنسی ل ھەرێما کوردستانێ و بەرێز اسماعیل محمد احمد ھاریکارآَ پارێزگارێ دھۆکێ بۆ کاروبارێن ئاواران و پەنابەران و بەرێز پۆل لیاندر رێڤەبەرێ پەیمانگەھا فرنسی ل ھەولێرێ و رێڤەبەرێن کەمپان و ژمارەکا مەزن ژ پەنابەرێن رۆژئاڤایێ کوردستانێ، ل کەمپا دۆمیز١ تیپێن فرنسی و کوردی کۆنسێرتەکا موسیقێ و ستران گۆتنێ بۆ پەنابەران پێشکێشکرن
کۆنسێرتا ھاتی ئامادەکرن پێک ھاتی بوو ژ شەش پەنەلێن موسیقێ و ستران گۆتنێ ٣ تیپێن کوردی و سێ یێن فرنسی بوون، و چەندیین ستران و پەنەلێن موسیقێ ھاتن پێشکێشکرن بۆ ئامادەبوویان، ھەژی گۆتنێ یە ئاماژە بدەن کو ئەڤ کۆنسێرتە وەک دابونەریتەکا موسیقێ یە سالانەیە، ویەکەم جار ل سالێن ھەشتیان دا ل فرنسا ھاتە ئەنجام دان و ھەر سال ئەڤ ھەلکەفتە دھێتە ساخکرن و ئەڤە بۆ ماوێ دوو سالانە ل ناڤ پەنابەرێن ھەرێما کوردستانێ دھێتە ئەنجام دان، ئەڤ سالە ژی ھەڤ دەم دگەل رۆژا جیھانی یا پەنابەران ئەوا دکەڤێتە ٢٠/٦ ئەڤ کۆنسێرتە ل کەمپا دۆمیز١ یا پەنابەران ھاتە ئەنجام دان

Facebook Twitter Google Digg Reddit LinkedIn Pinterest StumbleUpon Email


ل رێکەفتی ١٢/٦/٢٠١٩ ل ناڤەندا پارێزگەھا دھۆکێ کەرناڤالەکی مەزن ژ ھەمی پێکھاتێن پارێزگەھا دھۆکێ بەشداری د پێنجی سالیا سالیادا دامەزراندنا پارێزگەھا دھۆکێ دا کرن، بۆردێ کارو بارێن مرۆڤایەت ب کۆردۆسەکی مەزن بەشداری دناڤ رێ و رەسمێن کەرناڤالێ دا کر

ھەمی پێکھاتێن ئۆلی و نەتەوەی و دام و دەزگایێن میری ل پارێزگەھا دھۆکێ رێ پیڤانەکە مەزن ژ پارکا ئازادی ھەتا پارکا نەورز ل ناڤەندا پارێزگەھێ ئەنجام دان، کۆردۆسێ بۆردێ کاروبارێن مرۆڤایەتی پێک ھاتی بوو ژ رێ پیڤانەکا مەز کو ژ ھەمی پێکھاتی ئاینی و نەتەوەی یێن ئاواران و پەنابەران ل ناڤا کەمپێ پارێزگەھا دھۆکێ دا، ئەڤ کۆردۆسە وەک ھێمایەکی پیکڤە ژیانێ یا ل ناڤ کەمپان پێشان دا، کو رەنگڤەدانا پەیاما بۆردێ کاروبارێن مرۆڤایەتی بوو، ئارمانجا پەیا بۆردی د کەرنەڤالێ دا داکوکی کرن ل پیکڤەژیانا نەتەوەی و ئۆلی بوو ل ناڤ ئاواران و پەنابەران ل سنورێ پارێزگەھا دھۆکێ

Facebook Twitter Google Digg Reddit LinkedIn Pinterest StumbleUpon Email