Exemple


ئەڤرۆ رێکەفتی ٢٧/٢/٢٠١٩ ل ئاڤاھیێ برھا ب سەر پەرشتیا بەرێز ادریس نبی صالح رێڤەبەرێ جێ بەجێ کار یێ بۆردێ کاروبارێن مرۆڤایەتی کۆمبوونەک دگەل رێکخراوا (جى، اي، زيد) یا ئەلمانی ھاتە ئەنجام دان ل سەر پلانا کاری یا رێکخراوا ناڤبری د سالا ٢٠١٩ دا ل ناڤ ئاواران و پەنابەران و خەلکێ خۆجھی پارێزگەھا دھۆکێ

دکۆمبوونێ دا ب تێر و تەسلی باس ل رەوشا چەندین پرۆژان ھاتە کرن کو ژلایێ رێکخراوا (جى، اي، زيد) و ب ھەماھەنگی دگەل بۆردێ کاروبارێن مرۆڤایەتی دھێنە جێ بەجێ کرن کو ب تایبەت گرێ داینە دەربارەی پشکا ئاڤ و ئاڤەرۆ ل ناڤ و دەرڤەی کەمپان، رێکخراوا (جى، اي، زيد) سەبارەت پلانا کاری بۆ سالا ٢٠١٩ دیارکر، کو ئەو دێ بەردەوام بن ل سەر پشتەڤانیکرنا وان پرۆژان ھەتا دۆماھیا سالێ و داکوکی کرن کو ئەو دێ بەردەوام کار کەن ل سەر دۆماھیک ئینانا پرۆژێ ئاڤا فیدیێ بۆ دابینکرنا ئاڤێ ل فیدیێ و دەوروبەران کو ب ھەزاران ئاوارە و پەنابەر و خەلکێ خۆ جھێ پارێزگەھا دھۆکێ دێ مەفادار بن، دیسان باس ل چەندین پرۆژێن دیتر ھاتە کرن گرنکترین پرۆژە، پرۆژێ دانا ویستگەھا چارەسەرکرنا ئاڤا گرانە و بریارە تا دۆماھیا ڤێ سالێ ئەڤ پرۆژە ژی بھێت دانان و مفایێ بگەھینت ئاواران و پەنابەران و خەلکێ خۆجھی پارێزگەھێ

Facebook Twitter Google Digg Reddit LinkedIn Pinterest StumbleUpon Email
Exemple


ئەڤرۆ رێکەفتی ٢٦/٢/٢٠١٩ ل ئاڤاھیێ پارێزگەھا دھۆکێ بەرێز اسماعیل محمد احمد ھاریکارێ پارێزگارێ دھۆکێ بۆ کاروباربَن ئاواران و پەنابەران سۆپاسنامەک پیشَکێشی رێکخراوا
(مالتيسر) یا دەولی كر
ل دەستپیکێ بەرێز إسماعیل محمد سۆپاسیا رێکخراوا ناڤبری کر ژبەر رۆل و خزمەتا وان بۆ ماوێ چار سالا ل ناڤ ئاواران کری و بتایبەت دبوارێ ساخلەمی دا، دیسان ھاریکارێ پارێزگاری داخواز کر کو رێکخراو یا بەردەوام بت ل سەر کارێ خۆ پێخەمەت بتر خۆشکرنا رەوش و ژیارا ئاواران و پەنابەران، پاشی سۆپاسنامە ھاتە پێشکێشی بۆ رێکخراوا ناڤبری
بۆ زانیی رێکخراوا (مالتيسر) بۆ ماوێ چار سالانە دبوارێ ساخلەمی دا کار ل ناڤ ئاواران دکەت و برێڤەبرنا بنگەھێ ساخلەمی یێ کەمپا بێرسڤی٢ دکەت

Facebook Twitter Google Digg Reddit LinkedIn Pinterest StumbleUpon Email
Exemple


ژبۆ نیزیک ھایدار بوون ژ رەوشا پەنابەرێن رۆژئاڤایێ کوردستانێ ل کەمپا دۆمیز٢ و پێشکێشکرنا خزمەتگوزاریان بۆ وان، ل رێکەفتی ٢٦/٢/٢٠١٩ بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران سەرەدانا کەمپا دۆمیز٢ کر و دیفچۆنا رەوشا چەندین پرۆژێن خزمەنگوزاری كر
ل دەستپێکێ ھاریکارێ پارێزگاری کۆمبوونەک دگەل دەستەکا کارگیری یا کەمپا ناڤبری کر و سۆپاسیا وان کر بۆ کار و خزمەتا وان ل ناڤ کەمپێ، پاشی باس ل رەوشا کەمپێ ب ئاوایەک گشتی ھات کر، دیسان ھاریکارێ پارێزگاری گۆھداریا داخوازی و پیدڤیێن دەستەکا رێڤەبەر کر پێخەمەت بتر گەھاندنا ھاریکاریان و چارەسەرکرنا کێشان و خۆشکرنا رەوشا پەنابەران
دیسان دڤێ سەرەدانێ دا بەرێز إسماعیل محمد سەرەدانا چەندین پرۆژێن خزمەتگوازی كر ئەوێن دھێنە جێ بەجێ کرن ب سەرپەرشتیا بۆردێ کارو بارێن مرۆڤایەتی، ژ گرنگترین پرۆژان: پرۆژێ چێکرنا ١٣١ شەنگەستان ھەرھۆسا سەخبیریکرنا ١٤٨ دیتر کو ل دەمێ نوکە دھێنە حێ بەجێ کرن، ھەرهۆسا ل نیزیک دێ پرۆژێ وزا رۆژێ دەست پێ ھێتە کرن و بریارە دڤی پرۆژی دا ٢٠٨ عامودێن کەھرەبێ بھێنە دانان، ئەڤ پرۆژە ھەمی پێخەمەت بتر باش کرنا رەوشا پەنابەرانە ل پارێزگەھا دھۆکێ

Facebook Twitter Google Digg Reddit LinkedIn Pinterest StumbleUpon Email
Exemple


بۆردێ کاروبارێن مرۆڤایەتی پرۆژی ئاڤاکرنا دەست ئاڤا (توالیت) ل کەمپا بێرسفی١ ل رێکەفتی ٢٤/٢/٢٠١٩ ب دۆماھیک ئینا و کەتە خزمەتا ئاوارێن کەمپێ دا، ئەڤ پرۆژە ژ لایێ رێکخراوا کاریتاس یا ئەلمانی ڤە ھاتیە دروست کرن و ب ھەماھەنگی و سەرپەرشتیا بۆردێ کاروبارێن مرۆڤایەتی- کارکیریا کەمپا بێرسفێ١ ڤە ھاتیە دروستکرن

پرۆژێ ئاڤاکرنا ٨٠٠ دەست ئاڤا (توالیت) مەفایێن مەزن گەھاندنا خێزانێن کەمپێ یە و ١٤٠٠ خێزان دێ مەفادار بن ژ پرۆژێ ناڤبری، ھەرھۆسا ددەمێ ئاڤاکرنا پرۆژەی دا ١٨٠ کرێکاران کو ژ ئاوارێن کەمپێ بوون و بۆ ماوێ دوو ھەیڤان دەلیڤەیێن کار ب دەست خۆڤە ئینان، د رێ و رسمەک تایبەت دا پرۆژە ھاتە ڤەکرن و کەتە خزمەتا ئاواران دا، ئارمانجا ئەنجام دانا پرۆژێ ناڤبری بتر پشتەڤانیکرنا ئاوارێن کەمپێ یە و خۆشکرنا ژیانا وانە

Facebook Twitter Google Digg Reddit LinkedIn Pinterest StumbleUpon Email
Exemple


بەردەوامی دان ب ئەنجام دانا کار و چالاکیان بۆ ئاواران و پەنابەران و بتایبەت جینا ئافرەتان، ل کەمپا ئێسیان قارەمانیەکا تەپا ڤۆلی بۆلێ بۆ ئافرەتێن ئاوارە ھاتە ئەنجام دان
ل رێکەفتی ١٩/٢/٢٠١٩ رێکخراوا فوب ب ھەڤکاری دگەل کارگیریا کەمپا ئێسیان قارەمانیا تەپا ڤۆلی بۆاێ یا تایبەت ب ئافرەتێن ئاوارە ڤە ب دۆماھیک ئینا، دڤێ قارەمانیێ دا ٨ تیم بەشدار بوون، ل دۆماھیی ھەردۆ تیمێن (اناقە، وفا) یاریا دۆماھیێ ئەنجم دان و تیما اناقە پلا ئێکێ ب دەست خۆڤە ئینا و دیاری ل سەر بەشدار بووان ھاتن بەلاڤکرن

Facebook Twitter Google Digg Reddit LinkedIn Pinterest StumbleUpon Email
Exemple


———————————————————————————————–

ژبۆ نیزیک ئاگەھدار بوون بوون ژ رەوشا ئاواران و پەنابەران ل پارێزگەھا دھۆکێ ل رێکەفتی ١٩/٢/٢٠١٩ شاندێ ھەردۆ قونسلخانێن ئەمریکی بەرێزان تیمی دیڤس قۆنسلێ گشتی یێ ئەمریکا ل بەسرا و بەرێز گرێک مۆریسون جێگرێ قونسلێ گشتی یێ ئەمریکی ل ھەرێما کوردستانێ سەردانا کەمپا شاریا يا ئاواران کر و ژلایێ خانم لیلان محمد صالح بەرپرسا پرۆگراما ل بۆردێ کاروبارێن مرۆڤایەتی و بەرێز ھکار محمد امین رێڤەبەرێ کەمپا شاریا و نوینەرێ رێکخراوا (يو ان سى ار) ڤە ھاتنه پێشوازیکرن
د رینشتنەکێ دا پشتی بخێرھاتنێ رێڤەبەرێ کەمپا شاریا ب درێژی ل دۆر رەوش و ژیارا ئاواران دناڤ کەمپێ دا ژ ھەمی لایەکی ڤە باس کر، پاشی خانم لیلان محمد ل دۆر ھەبوونا ژمارەکا مەزنا ئاواران و پەنابەران ل پارێزگەھا دھۆکێ رۆنکرنەک دا، و داخواز ژ حكومةتا ئەمریکا كر بەردەوام بت ل سەر گەھاندنا ھاریکاریان دبوارێ مرۆڤایەتی دا بۆ ھەرێما کوردستانێو سۆپاسیا حکومەتا ئەمریکا کر بۆ پشتەڤانیا وان يا بەردەوام
پاشی شاندێ مێڤان سەردانەکا مەیدانی ل ناڤ کەمپێ کر و دیدار دگەل چەندیین خێزانا ئەنجام دان گۆھداریا ئاریشێن وان کر، ھەرھۆسا شاندێ نافبرى سەردانا قۆتابخانا ناڤنجیا کەمپا شاریا کر، پێخەمەت ژ نیزیک ئاگەھدار بوون ل سەر رەوشا مامۆستا و قۆتابیێن ئاواره ل قۆتابخانێ

Facebook Twitter Google Digg Reddit LinkedIn Pinterest StumbleUpon Email
Exemple

ژبو پتر راوەستیان و گرنگی دان ب رەوشا ئاواران و خۆشکرنا ژیانا وان ل ناڤ کەمپان، بوردێ کاروبارێین مروڤایەتیێ ل پارزگەھا دھوک و ب ھاریکاریا رێکخراوا یونسیف و ب ھەما ھەنگی دگەل رێڤەبەریا کەمپا باجدکەدالا بروژێ باشکرنا تورا ئاڤێ ل ناڤ کەمپێ ئەنجام دان
پرۆژەی کار ل سەر سەخبیریکرن و باشکرنا تۆرا ئاڤێ ل ناڤ کەمپا ناڤبری کرن و چەندیین تۆرێن ئاڤێ وتانک کارێ گۆھارتن و سەخبیریکرنێ ل سەر کرن، ھەرھۆسا شیان ب رێ یا ڤی پرۆژەی مەفایان بگەھیننە ٥٢٦ خێزانێن کەمپێ، و کێشا ئاڤێ ل ناڤ وان خێزانا ب دۆماھیک ھات، ل رێکەفتی ١٦/٢/٢٠١٩ کارێ سەخبیریێ ب دۆماھیک ھات و پرۆژە کەتە خزمەتا ئاواران دا

Facebook Twitter Google Digg Reddit LinkedIn Pinterest StumbleUpon Email
Exemple


بەردەوامی دانا پشتەڤانیکرنا ئافرەتان و ھاندانا وان، قارەمانیەکا تەپا پێ یا تایبەت ب ئافرەتان ل کەمپا ئێسیان ب دۆماھیک ھات، ئەڤ قارەمانیا ژلایێ رێکخراوا (فوب) و پشتەڤانیا رێکخراوا يونسيف و ب ھەماھەنگی دگەل کارگیریا کەمپا ئیسیان ھەرھۆسا ب بەشداریا ٨ تیمان ژ ئافرەتێن ئاوارە ھاتبوو ئەنحام دان
قارەمانیا ناڤبری بەردەوامی دان ب پرۆژێ پێشفەبرنا ئاستێ گەنجان و سنێلەیان بوو، ب ئارمانجا ھاندانا ئافرەتان و پێشڤەبرنا شیانێن وان، دڤێ قارەمانیێ دا ھەردۆ تیمێن (نیرگز و نور) جۆن دماھیا قارەمانیێ و یاریا دۆماھیێ ل رێکەفتی ١٢/٢/٢٠١٩ تیما نیرگز پلا یەکێ ب دەستڤە ئینا و پاشی دیاری ل سەر سەرکەفتیان ھاتن بەلاڤکرن

Facebook Twitter Google Digg Reddit LinkedIn Pinterest StumbleUpon Email
Exemple


بەردەوامی دانا ئەنجام دانا کار و چالاکیان دبوارێ پێشڤەبرنا شیان و ئاستێ ئافرەتان ل ناڤ کەمپان یا بەردەوامە، ل کەمپا بێرسڤی٢ خۆلەک ل دۆر رێبەرێ کچێن سنێلە ھاتە ئەنجام دان
ئەڤ خۆلە ژلایێ کارگیریا کەمپا ناڤبری ھاتبوو رێکخستن و پەنەلێن خۆلێ ل شنگال سەنتەر دھاتن برێڤەبرن، دیسان خۆلا ناڤبری یا تایبەت مەند بوو ل سەر کەچێن ژیێن وان دناڤبەرا ١٣-١٥ سالی دا بوو، خۆل بۆ ماوێ ھەیڤ و نیڤان یا بەردەوام بوو ب بەشداریا ١٥ کەچان

ئارمانجا ئەنجام دانا خۆلا ناڤبری بتر پێشڤەبرنا ئاست و ھیشیاریا کچانە و بتایبەت کچێن سنێلە و چاوانیا پێک ئینانا خێزانێ ل دەمێ گۆنجای و دیارکرنا باشی و خرابیێن ژنئینانا پێش وەخت و کارتێکرنا وێ ل سەر پاشەرۆژا کچان، ل رێکەفتی ٣١/١/٢٠١٩ خۆلا ناڤبری ب دۆماھیک ھات

Facebook Twitter Google Digg Reddit LinkedIn Pinterest StumbleUpon Email
Exemple



ب ئامادەبوونا بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران، ئەڤرۆ رێکەفتی ٥/٢/٢٠١٩ پێشوازی ل خانم ستیفانی ھیل بەرپرسێ ئەورپا یێ رێکخرا
مالتيسر و پێترا ڤیرمۆلین رێکخرا رێکخرا ناڤبری ل عیراقێ کر
ھەردۆ ئالیان دان و ستاندن ل سەر رەوشا ئاواران و پەنابەران ل سنورێ پارێزگەھا دھۆکێ کر، ھاریکارێ پارێزگاری سۆپاسیا رێکخراوا ناڤبری کر بۆ کارو ھاریکاریێن وان ل ناڤ ئاواران و پەنابەران و خەلکێ خۆجھێ پارێزگەھێ، و داخواز کر کو رێکخراوا ناڤبری بەردەوام بت ل سەر کارێ خۆ
ھەرھۆسا بابەتێ ئاڤ و ئاڤەرۆ و دابینکرنا پیدڤیێن ئاواران و پەنابەران یەک ژ تەوەرێن گرنگی رینشتنێ بوو، دیسان کار و پلانا رێکخراوا ناڤبری بۆ سالا ٢٠١٩ ھاتە باسکرن پێخەمەت بتر ئەنجام دانا پرۆژان و گەھاندنا ھاریکاریان بۆ ئاواران و پەنابەران و خەلکێ خۆجھێ پارێزگھا دھۆکێ

Facebook Twitter Google Digg Reddit LinkedIn Pinterest StumbleUpon Email