هاریكارێ پارێزگارێ دهۆكێ پێشوازى ل رێڤه‌به‌رێ ئه‌نجومه‌نێ نه‌رۆیژى یێ په‌نابه‌ران ل دهۆكێ كر

ل رێكه‌فتى 20/2/2020 ل ئاڤاهیێ پارێزگه‌ها دهۆكێ به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران پێشوازى ل به‌رێز سۆپاش جادهاڤ رێڤه‌به‌رێ ئه‌نجومه‌نێ نه‌رویژى یێ په‌نابه‌ران NRC ل پارێزگه‌ها دهۆكێ كر.

هه‌ردۆ ئالیان به‌حسى ره‌وشا ئاواران و په‌نابه‌ران كرن ل سنورێ پارێزگه‌ها دهۆكێ د هه‌مى بوارێن ژیانێ دا و پێداچۆنه‌ك ل چه‌ندین سه‌كته‌ران هاته‌ كرن و بتایبه‌ت به‌حسى سه‌كته‌رێ په‌روه‌ردێ ب درێژى هاته‌ كرن، هاریكارێ پارێزگارێ دهۆكێ داخواز ژ په‌رپه‌رسێ NRC كو بشته‌ڤانیێ بكه‌ن ل پێشڤه‌برنا سه‌كته‌رێ په‌روه‌ردێ چنكو ل ناڤا كه‌مپێن ئاواران و په‌نابه‌ران بتر پیدڤى ب باشكرنا ره‌وشا په‌روه‌ردێ هه‌یه‌.

هه‌ژى گۆتنێ یه‌ كو ئه‌نجومه‌نێ نه‌رویژى یێ په‌نابه‌ران NRC ل ناڤ چه‌ندین كه‌مپان ل سنورێ پارێزگه‌ها دهۆكێ كار دكه‌ن و ئارمانجا سه‌ردانا وان بتر پشته‌ڤانیكرنا سه‌كته‌رێ په‌روه‌ردێ یه.