كۆمبوونا هه‌ماهه‌نگى یا پارێزگه‌ها دهۆكێ و رێكخراوێن (یوئێن) و رێکخراوێن نە حکومی هاته‌ ئه‌نجام دان

ل رێكه‌فتى 16/2/2020 ل ئاڤاهیێ پارێزگه‌ها دهۆكێ ب سه‌رپه‌رشتیا به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران، كۆمبوونا هه‌ماهه‌نگى یا پارێزگه‌ها دهۆكێ بۆردێ كاروبارێن مرۆڤایه‌تى دگه‌ل رێكخراوێن UN و NGO هاته‌ ئه‌نجام دان.

ل ده‌ستپێكێ به‌رێز إسماعیل محمد به‌حسى ره‌وشا ئاواران و په‌نابه‌ران كر ل سنورێ پارێزگه‌ها دهۆكێ، ئاماژه‌ دا چه‌ندین سه‌كته‌ران كو پیدڤى پشته‌ڤانى و هاریكاریێ نه‌، هاریكارێ پارێزگارى داخواز ژ رێكخراوێن ئاماده‌بووى كر بتر كار بكه‌ن پێخه‌مه‌ت بتر ئه‌نجام دانا پرۆژان و بتر خزمه‌تكرنا پارێزگه‌ها دهۆكێ دهه‌مى بوارێن مرۆڤایه‌تى دا ژبه‌ر كو ره‌وشا پارێزگه‌ها دهۆكێ ره‌وشه‌ك تایبه‌ته‌ وپیدڤى ب پشته‌ڤانى و هاریكاریا رێخراوێن ده‌ولى هه‌یه‌.

دیف دا پێداچۆنه‌ك ل سه‌ر چه‌ندین سه‌كته‌ران هاته‌ كرن وه‌ك (په‌روه‌رده‌، ئاڤ و ئاڤه‌رۆ، پاراستن و گه‌هاندنا هاریكاریان)، و هه‌ر رێكخراوه‌كێ پلان و كارێ خۆ دا خۆیاكرن پێخه‌مه‌ت بتر په‌یداكرنا هه‌ماهه‌نگیێ و خزمه‌تكرنا ئاواران و په‌نابه‌ران و خه‌لكێ خرجهیێ پارێزگه‌ها دهركێ.