رێكا سه‌ره كى یا كه‌مپا خانكێ هاته‌ چێكرن

ئه‌ڤرۆ رێكه‌فتى 5/2/2020 ب ئاماده‌بوونا به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران و نوینه‌رێن هه‌ر یه‌ك ژ رێكخراوێن UNHCR و ACTED و ژماره‌كا خه‌لكێ كه‌مپێ رێ یا سه‌ره كى یا كه‌مپا خانكێ ب ئاوایه‌كێ فه‌رمى هاته‌ ڤه‌كرن.

ئه‌ڤ رێكه‌ ژ هه‌یڤا 10 یا سالا 2019 ده‌ست ب كارێ چێكرنێ هاته‌ كرن كو ب پشته‌ڤانیا دراڤى یا رێكخراوا UNHCR و جێ به‌جێ كرنا رێكخراوا ACTED ب رێكا كومانیا ئادارۆك و ب هه‌ماهه‌نگى دگه‌ل بۆردێ كاروبارێن مرۆڤایه‌تى كو ب درێژاهیا 650م و فره‌هیا 7م و بكوژمێ 60000 شێست هه‌زار دۆلارێن ئه‌مریكى هاته‌ قیركرن.

هه‌ژى گۆتنێ یه‌ كو بۆردێ كاروبارێن مرۆڤایه‌تى ب رێكا چه‌ندین رێكخراوان كار ل سه‌ر ئه‌نجام دانا چه‌ندین پرۆژێن دیتر یێ رێكان دكه‌ت ژ وان پرۆژان: پرۆژێ رێكا كه‌مپا قادیا، پرۆژێ جادێ ناڤخۆى ێى كه‌مپا شێخان هه‌رهۆسا گرێدانا هه‌ردۆ كه‌مپێن دۆمیز1 و دۆمیز دوو، ئارمانجا ئه‌نجام دانا ڤان پرۆژان بتر باش كرنا ره‌وشا ژیارا ئاواران و په‌نابه‌رایه‌ ل پارێزگه‌ها دهۆكێ.