شه‌ش سه‌نته‌رێن جڤاكى یێ ده‌زگه‌هێ ره‌وانگه‌ دێ هێنه‌ رێڤه‌به‌رن ژلایێ رێڤه‌به‌ریا گه‌شه‌پێدانا جڤاكى ڤه‌

ل رێكه‌فتى 30/1/2020 ل هۆتیلا رێكسوس و ب ئاماده‌بوونا به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران و به‌رێز عبدالسلام مدنى رێڤه‌به‌رێ ده‌زگایێ ره‌وانگه‌ه ودكتور شیرزاد رێڤه‌به‌رێ رێڤه‌به‌ریا گشتى یا گه‌شه‌پیدانا جڤاكى ل دهۆك و ژماره‌ك ژ رێڤه‌به‌رێن كه‌مپێن ئاواران و ب ئاماده‌بوونا چه‌ندین رێكخراوان پرۆتۆكۆلێ راده‌ست كرنا شه‌ش سه‌نته‌رێن جڤاكى ژلاێى ده‌زگه‌هێ ره‌وانگه‌ڤه‌ بۆ رێڤه‌به‌ریا چاڤدێریا جڤاكى هاته‌ ئێمزاكرن.

دیسان دڤێ هه‌لكه‌فتێ دا چه‌ندین خه‌لاتێ رێزلینانێ بۆ رێڤه‌برێن كه‌مپان هاتن پێشكێشكرن ژبه‌ر رۆلێ وان وپشته‌ڤانیا وان دگه‌ل ده‌زگه‌هێ ره‌وانگه‌ و رێڤه‌برنا وان سه‌نته‌ران ل ناڤا كه‌مپان، هه‌ردیسا چه‌ندین خه‌لاتێ رێزلینانێ بۆ ستافێ سه‌نته‌ران هاتن پێشكێشكرن، پاشى رێ و ره‌سمێن ئیمزاكرنا پرۆتۆكۆلى هاتن ئه‌نجام دان دناڤبه‌را هه‌ردۆ به‌رێزان عبد السلام مه ده نى رێڤه‌به‌رێ ده‌زگایێ ره‌وانگه‌ و دكتور شیرزاد رێڤه‌به‌رێ رێڤه‌بریا گشتى یا گه‌شه‌پیدانا جڤاكى ل دهۆكێ كو كارێ رێڤه‌به‌رنا ڤان سه‌نته‌ران دێ كه‌ڤيته سه‌ر رێڤه‌به‌ریا ناڤبرى ڤه‌.

بۆ مالپه‌رێ برها به‌رێز افرام عبد الاحد افرام رێڤه‌به‌رێ ئۆفیسا دهۆكێ یێ ده‌زگایێ ره‌وانگه‌ گۆت: ژمارا وان سه‌نته‌ران شه‌ش سه‌نته‌رن و ئه‌ڤه‌ بۆ ماوێ دوو سال ونیڤه‌ ژلايئ ده‌زگایێ ره‌وانگه‌ و هه‌ماهه‌نگى دگه‌ل رێكخراوا GIZ یا ئه‌لمانى و پشته‌ڤانیا دراڤى یا BMZ دهێنه‌ برێڤه‌برن، و ئه‌و سه‌نته‌ر ل كه‌مپێن شاریا، كه‌به‌رتو1،2، روانگه‌، باجد كه ندالا و چه م مشكو)، هه‌رهۆسا افرام گۆت جۆرێن چالاكیان ل ناڤا ڤان سه‌نته‌ران دا وه‌ك خزمه‌تێن ياسايى، ئاڤاكرنا شیانێن گه‌نجان و باشتركرنا شیانێن په‌روه‌ردێ بون.