وركشۆپه‌كى بۆ هێزكرنا شیانێن كارمه‌ندێن ده‌زگاێ خێرخوازى یێ بارزانى هاته‌ ئه‌نجام دان

بۆردێ كاروبارێن مرۆڤایه‌تى BRHA ب ئارمانجا هێز كرنا شیانێن ئه‌وان كارمه‌ندان یێن ل ناڤ که مپین ئاواران و په‌نابه‌ران كار دكه‌ن وركشۆپه‌ك بۆ ماوێ دوو رۆژان ل ئاڤاهیێ برها ل رێكه‌فتى 13-14/1/2020 ئه‌نجام دا، ب ئاماده‌بوونا به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران و به‌رێز ادریس نبي صالح رێڤه‌به‌رێ جێ به‌جێ كار یێ بۆردێ كاروبارێن مرۆڤایه‌تى وبه‌رێز وحید امین به‌رپرسێ ئۆفیسا دهۆك یێ ده‌زگایى خێرخوازى یێ بارزانى BCF و بتر ژ 35 كه‌سان ژ خۆبه‌خش وكارمه‌ندێن ده‌زگایێ خێرخوازى یێ بارزانى وركشۆپئ دا پشکداربون.

وركشۆپ ل دۆر چاوانیا سه‌ره‌ده‌ریكرنا كارمه‌ندان دگه‌ل په‌نابه‌ران وئه‌و ئه‌رك ورێنما وكارێن دهێنه‌ راسپارده‌كرن بۆ وان پێخه‌مه‌ت پتر خزمه‌تكرنا په‌نابه‌ران، هه‌ژى گۆتنێ یه‌ كو وركشۆ پ ژ چه‌ندین په‌نه‌لێن جودا جودا پیك دهات و رێڤه‌به‌رێن هه‌مى پشكێن بۆردێ كاروبارێن مرۆڤایه‌تى هه‌ریه‌كى سمیناره‌ك ل سه‌ر سه‌كته‌ره‌كى ژیارێ سه‌باره‌ت ره‌وشا ئاواران و په‌نابه‌ران و كارگیریێن كه‌مپان پێش کێشكرن

ل دۆماهیا وركشۆپى باوه‌رنامه‌ ل سه‌ر به‌شداران هاتن به‌لاڤكرن، ئه‌ڤ وركشۆپ هاتبوو رێكخستن وئاماده‌كرن ژلایێ بۆردێ كاروبارێن مرۆڤایه‌تى ب هه‌ماهه‌نگیا ده‌زگایێ خێرخوازى یێ بارزانى بۆ كارمه‌ند و خۆبه‌خشێن ده‌زگایى ب تایبه‌ت ئه‌وێن ل ناڤا كه‌مپان كار دكه‌ن