١٦ تیمێن ئاواره‌ ل كه‌مپا بێرسڤ٢ به‌شدارى قاره‌مانیه‌كا ته‌پا پێ بوون

ب ئارمانجا بتر خزمه‌تكرنا ئاواران دهه‌مى سه‌كته‌رێن ژیانێ دا قاره‌مانیه‌كا ته‌پا پێ بۆ گه‌نجێن كه‌مپا بێرسڤێ ٢ هاته‌ ئه‌نجام دان، ل رێكه‌فتى٦/١/٢٠٢٠ ب سه‌رپه‌رشتیا به‌رێز ماهر چۆلى رێڤه‌به‌رێ كه‌مپا بێرسڤێ ٢  قاره‌مانیه‌كا ته‌پا پێ ب به‌شداریا ١٦ تیمێن ئاواره‌ یێن ل ناڤا كه‌مپێ ب دۆهیك هات.
ئه‌ڤ قاره‌مانیه‌ ژلایێ رێكخراوا PCCR یا ئه‌مریكى و ئیكه‌تیا لاوێن شنگال و ب هه‌ماهه‌نگى یا كارگیریا كه‌مپێ هاتبوو رێكخستن، (١٦) تیم به‌شدار بوون و یاریا دۆماهیێ دناڤبه‌را هه‌ردۆ تیمێن (هه‌مه‌دان و درویش) هاته‌ ئه‌نجام دان، و ل دۆماهیێ تیما هه‌مه‌دان سه‌ركه‌فت ب دوو خالان به‌رامبه‌ر یه‌ك خالێ بۆ تیما درویش، ئارمانجا رێكخستن و ئه‌نجام دانا قاره‌مانیا ناڤبرى پێشڤه‌برنا سه‌كته‌رێ وه‌رزشێ یه‌ و خزمه‌تكرنا چینا گه‌نجایه‌ ل ناڤ كه‌مپێ دا.