هاریكارێ پارێزگارێ دهۆكێ سه‌ردانا كه‌مپا شاریا كر

ژبۆ بتر هایدار بوون ژ ره‌وشا ئاواران ل كه‌مپا شاریا، ئه‌ڤرۆ رێكه‌فتى 23/12/2019 به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران سه‌ردانا كه‌مپا شاریا كر و هاته‌ پێشوازیكرن ژلایێ رێڤه‌به‌ر و ستافێ كارگیرێى كه‌مپێ ڤه‌.

هاریكارێ پارێزگارى ژبۆ هایدار بوون ژ ره‌وشا ژیارا خه‌لكێ ناڤا كه‌مپێ و چاوانیا گه‌هاندنا هاریكاریان و خزمه‌تكرنا ئاواران دان و ستاندن دگه‌ل كارگیریا كه‌مپێ كر، هه‌رهۆسا بابه‌تێ هه‌ماهنكیا كه‌مپێ دگه‌ل رێكخراو و لایه‌نێ كار دكه‌ن دناڤ كه‌مپێ دا پێخه‌مه‌ت بتر خزمه‌تكرنا خه‌لكێ كه‌مپێ ژ بابه‌تێ سه‌ردانێ بوو، ل دۆماهیێ به‌رێز إسماعیل سۆپاسیا ستافێ كارگیریى كر و داخواز كر بتر كار و خزمه‌تێ ل ناڤا كه‌مپێ بكه‌ن ب ئارانجا بتر باش كرنا ره‌وشا ئاواران.