هاریكارێ پارێزگارێ دهۆكێ پێشوازيا نوینه‌رێن چه‌ندين رێكخراوێن نیڤ ده‌وله‌تى كر

ئه‌ڤرۆ رێكه‌فتى ١٨/١٢/٢٠١٩ ل باره‌گایێ پارێزگه‌ها دهۆكێ به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران پێشوازیا نوینه‌رێن چه‌ند رێكخراوێن نیڤ ده‌وله‌تى كر، ل ده‌ستپێكێ هاریكارێ پارێزگارى پێشوازى ل به‌رێز شالیندرا كومارجا به‌رپرسێ پرۆگرامێ كارى ل رێكخراوا (دابینكرنا هه‌لێن كارى ILO) كر، هه‌ردۆ ئالیان به‌حسى ره‌وشا ئاواران و په‌نابه‌ران و چاوانیا په‌یداكرنا ده‌لیڤێن كارى و ب تایبه‌ت بۆ ته‌خا گه‌نجان كرن، به‌رێز إسماعیل محمد داخواز كر كو رێكخراوا ناڤبرى ده‌لیڤێن كارى په‌یدا بكات ل ناڤ ئاواران وپه‌نابه‌ران و خه‌لكێ خۆجهیێ پارێزگه‌ها دهۆكێ، ژلایێ خۆڤه‌ نوینه‌رێن رێكخراوێ دیار كر كو پلانا رێكخراوێ دێ كار كه‌ت بۆ ئه‌نجام دانا چه‌ندین پرۆگراما دبوارێ په‌یداكرنا ده‌لڤێن كارى ل ناڤ ئاواران و په‌نابه‌ران و خه‌لكێ خۆجهیێ پارێزگه‌هێ

ژلایه‌كى دى ڤه‌ شانده‌كى رێكخراوا WFP ب سه‌رۆكاتیا به‌رێز عبدالرحمن مگیاگ به‌رپرسێ رێكخراوا ناڤبرى ل عیراقێ و به‌رێز گیۆرگى دولیدز به‌رپرسێ پرۆگراما ل عیراقێ و چه‌ندین نوینه‌رێن رێكخراوێ سه‌ردانا پارێزگه‌ها دهۆكێ كرن و هاتن پێشوازیكرن ژلاێى به‌رێز إسماعيل محمد هاریكارێ پارێزگارى، سه‌ردانا وان به‌رده‌وامیا هێزكرنا په‌یوه‌ندیان و هه‌ماهانگیى بوو دناڤبه‌را پارێزگه‌ها دهۆكێ و بۆردێ كاروبارێن مرۆڤایه‌تى پێخه‌مه‌ت بتر گه‌هاندنا هاركاریێن مرۆڤایه‌تى بۆ ئاواران و په‌نابه‌ران ل ناڤ و ده‌رڤه‌ى كه‌مپان ل سنورێ پارێزگه‌ها دهۆكێ