ئاهنگا ب دۆماهیك ئینان پرۆگرامێ هیمه‌تا گه‌نجان ب دۆماهیك هات

ئه‌ڤرۆ رێكه‌فتى 16/12/2019 ب ئاماده‌بوونا به‌رێز إسماعیل محمد احمد هاریكارێ پارێزگارێ دهۆكێ بۆ كارو بارێن ئاوارن و په‌نابه‌ران و خانم سارا برنارد نینه‌را ئیكه‌تیا اورپا و خانم نیكول بیتر به‌رپرسا رێكخراوا WORLD VISON ل عیراقێ، ل ئۆتیلا دلشاد ئاهه‌نگا ده‌رچۆنا خۆلێن راهێنانێن پێشه‌یى بۆ گه‌نجان ئه‌وا ل ژێر ناڤێ (پرۆگرامێ هیمه‌تا گه‌نجان) كو بسپۆنسه‌ریا ئێكه‌تیا ئه‌ورپى بوو هاته‌ ئه‌نجام دان

ل ده‌ستپێكێ به‌رێز إسماعیل محمد هاریكارێ پارێزگارێ دهۆكێ په‌یڤه‌ك پێشكێشكر، سۆپاسیا لایه‌نێن رێكخستى یێ پرۆگرامێ ناڤبرى كر بۆ پشته‌ڤانیا وان، وئاماژه‌ دا كو ژماره‌ك مه‌زن یا ده‌رچۆیێن زانكۆیا هه‌نه‌ پیدڤیه‌ ل كه‌رتێ تایبه‌ت رۆلێ خۆ ببین، له‌وا قۆتابى دێ شێن ب رێكا ڤان پرۆگراما ده‌لیڤیێن كارى ب ده‌ستخۆڤه‌ ببینن، و داخواز كر كو رێكخرو به‌رده‌وام بن ل سه‌ر هه‌ماهه‌نگیا خۆ و ئه‌نجام دانا ڤان جۆره‌ پرۆگرامان، هه‌رهۆسا به‌رێز عصمت صادق به‌رپرسێ ئۆفیسا دهۆك یا رێكخراوا WORLD VISON دیار كر كو 4000 هه‌زار گه‌نج ژ ره‌گه‌زێن نێر ومێ ژ ئاواران و په‌نابه‌ران و خه‌لكێ خۆجهێ پارێزگه‌هێن هه‌ولێر و دۆهۆك هاتنه‌ په‌روه‌رده‌ كرنه‌ ل سه‌ر خۆلێن راهێنانێن پێشه‌یى، كو ژوێ ژمارێ 2378 كه‌س ژ باژێرێ دهۆكێ مفادار بوون.

هه‌ژى گۆتنیه‌ كو رێكخراوا WORL VISON د ماوێ سێ سالێن بۆرى دا شیایه‌ زێده‌تر ژ 4000 چار هه‌زار گه‌نجان ل سه‌ر خۆلێن راهێنانێن پێشه‌یى په‌روه‌رده‌ بكات و ده‌لێڤێن كارى بۆ ژماره‌كا وان ب ده‌ستڤه‌ بینن، هه‌لبه‌ت ئه‌ڤ خۆله‌ ب هه‌ماهه‌نگى دگه‌ل كارگیریا پارێزگه‌ها دهۆكێ- بۆردێ كاروبارێن مرۆڤایه‌تى بۆ ئاواران و په‌نابه‌ران و خه‌لكێ خۆجهیێ پارێزگه‌هێ هاتیه‌ ئه‌نجام دانه