رێكخراواێن (وورڵد ڤژن) و (دەبلیو ئێف پی) ب هه‌لكه‌فتا پێنج سالیا كارێ خۆ خه‌لاتێ رێزلینانێ پێشكێشى كارگیریێن كه‌مپان كرن

ب ئاماده‌بوونا به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران و نینه‌رێن هه‌ردۆ رێكخراوا World vison و WFP دگه‌ل نینه‌رێ بۆردێ كاروبارێن مرۆڤایه‌تى ورێڤه‌به‌رێن كه‌مپان ل ئۆتێلا دلشاد ل دهۆكێ ل رێكه‌فتى ١٥/١٢/٢٠١٩ رێ و ره‌سمێن پێنج سالیا كاركرنا هه‌ڤ پشك دناڤبه‌را هه‌ردۆ رێكخراوان دا هاته‌ ساخكرن.

ل ده‌ستپێكێ به‌رێز إسماعیل محمد هاریكارێ پارێزگارێ دهۆكێ په‌یڤه‌ك پێشكێشكر و سۆپاسیا رێكخراواێن World vison و WFP كر ژبۆ وان هاریكاریێن پێشكێشكرین ل ناڤ ئاواران و په‌نابه‌ران، و داخواز كر كو رێكخراوێن ناڤبرى یێ به‌رده‌وام بن ل سه‌ر گه‌هاندنا هاریكاریان ژبه‌ر كو ژمارا كه‌مپان ل سنورێ پارێزگه‌ها دهۆكێ ٢٢ كه‌مپن و دهۆك بتر پیدڤى پشته‌ڤانى و هاریكاریێ یه‌ و تایبه‌ت دبوارێن ئاهێن خوارنێ دا.

دیف دا په‌یڤ ژلایێ نینه‌رێن هه‌رۆد رێكخراوان هاتن پێشكێشكرن و سۆپاسیێن خۆ ئارسته‌ى رۆل و كارێ پارێزگه‌ها دهۆكێ- بۆردێ كاروبارێن مرۆڤایه‌تى و كارگیریێن كه‌مپان كرن، ژبۆ وێ هه‌ماهه‌نگى و هاركاریا وان، پاشى هه‌ردۆ رێكخراوان خه‌لاتێ رێزلینانێ پێشكێشى بۆردێ كاروبارێن مرۆڤایه‌تى و كارگیریێن كه‌مپان كرن