باژێرێ دهوکێ کێبرکیێ دگەل (5) باژێرێن جیهانێ دکەتن ژ بو بدەستڤەئینانا خەلاتێ باژێرێ ئاشتیێ ل سەرانسەری جیهانێ

شاندەکێ پارێزگەها دهوکێ کو پێکهاتی یە ژ بەرێزان (اسماعیل محمد احمد) هاریکارێ پارێزگەرێ دهوکێ بو کاروبارێن ئاوارە و پەنابەران و ئەندازیار (ادریس نبی) رێڤەبەرێ جێ بە جێ کارێ بوردێ کاروبارێن مروڤایەتی پشکداری د کونگرێ سالانە یێ سەرکردێن نافخویی و جیهانی (UCLG) ئەوێ دهێتە رێکخستن ژلایێ رابیتا ئاڤاکرنا شیانێن حکومەتێن نافخویی یا هولەندا لژێر بەرنامێ (دەست پێشخەریا ئاشتیێ)دا ئەوا دەست پێکری ل(11/11/2019) ل وەلاتێ ژێریا ئەفریقیا دکەت.

باژێرێ دهوکێ ژی کو ژلایێ رێکخراوا باژێرڤانێن حکومی یا هولەندی (VNG) هاتیە هەلبژارتن دگەل دەهان باژێرێن دی یێن جیهانێ ژ بو پشکداریێ دڤێ پێش برکیێ دا ژبو بدەستڤەئینانا خەلاتێ باژێرێ ئاشتیێ، ئەو خەلاتێ کو سالانە دهێتە پێش کێشکرن بو باژێرەکی ل سەرانسەری جیهانێ، و باژێرێ دهوکێ کو دهێتە نیاسین باژێرێ پیکڤەژیانێ یە شیایە دماوێ چەند سالێن بوری دا ب سەدان هزاران ژ ئاوارە و پەنابەران ژ هەمی پێکهات و نەتەوە و ئاین و ئولان د سنورێ پارێزگەهێ دا ئاکنجی بکەت و ب رێکا بوردێ کاروبارێن مروڤایەتی (BRHA) خزمەتێن مەزن پێش کێشی ئاوارە و پەنابەر و خەلکێ خوجێ بکەت و ئاشتی و پێکڤە ژیانێ ب پارێزیت و پێشڤە ببەت ب رێیا چەندین چالاکیێن جورا و جور یێن مروڤایەتی و رەوشەنبیری و هونەری و وەرزشی و چەندین چالاکیێن بوارێن ژیانێ ب هەماهەنگی د گەل دەزگەهێن حکومی و ئێمناهیی و مروڤایەتی ل پارێزگەها دهوکێ.

ئەڤ کونگرێ سالانە یێ کو دهێتە ئەنجامدان ب پشتەڤانیا رابیتا ئاڤاکرنا شیانێن حکومەتێن نافخویی (Local Government Capacity Program LGCP) ل وەلاتێ ژێریا ئەفریقیا، باژێرێ دهوکێ بو جارا ئێکێ یە پشکداریێ تێدا دکەت و هاتیە هەلبژارتن و شیایە حەتا نوکە ببیتە ئێك ژ باشترین (5) باژێرێن جیهانێ د ناڤبەرا زێدەترژ (35) باژێران لسەرانسەری جیهانێ، و پێش بینی د هێتەکرن باژێرێ دهوکێ خەلاتێ ئێکێ وەربگریت وەك باژێرێ ئاشتیێ لسەرانسەری جیهانێ.