هاریكارێ پارێزگارێ دهۆكێ پێشوازى ل نوینه‌رێ تایبه‌ت یێ وه‌لاتێ ل سویسرا ل رۆژهلاتا ناڤین كر

ئه‌ڤرۆ رێكه‌فتى 30/10/2019 ل ئاڤاهیێ پارێزگه‌ها دهۆكێ به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران پێشوازى ل به‌رێزان سه‌فیر ئۆس فۆن ئه‌رب نوینه‌رێ تایبه‌ت یێ وه‌لاتێ سویسرا ل رۆژهلاتا ناڤین بۆ كاروبارێن په‌نابه‌ران و به‌رێز پیر رۆس لوفى به‌رپرسێ رێكخراوا IOM ل سویسرا كر

د سه‌ردانێ دا هه‌ردۆ ئالیان ل دۆر ره‌وشا ئاواران و په‌نابه‌ران دان وستاند، هاریكارێ پارێزگارێ دهۆكێ سۆپاسیا سه‌ردانا شاندێ میڤاندار كر و سۆپاسیا رێكخراوا IOM كر بۆ وان كارێن ئه‌نجام دده‌ن ل ناڤ ئاواران و په‌نابه‌ران و داخواز كر بتر كار و پشته‌ڤانى بهێته‌ كرن داكو ره‌وشا په‌نابه‌ران ل سنورێ پارێزگه‌ها دهۆكێ باشتر لێ بێت
پاشى هه‌ردۆ ئالیان ب تێر و ته‌سه‌لى ل سه‌ر چه‌ندین سه‌كته‌رێن ژیانێ ل ناڤ كه‌مپێن پارێزگه‌ها دهۆكێ باس كرن وبابه‌تێ په‌نابه‌رێن رۆژئاڤایێ كوردستانێ و هاتنا وان بۆ هه‌رێما كوردستانێ دیسان چاوانیا گه‌هاندنا هاریكاریان ژی یه‌ك ژ بابه‌تێ گرنگى سه‌ره‌دانێ بوو