شانده‌كى ئه‌ورپێ ژبۆ نیزیك هایدار بوونا ره‌وشا ئاواران و په‌نابه‌ران سه‌ردانا برها كر

ل رێكه‌فتى 8/10/2019 شانده‌كى ئه‌ورپى ب سه‌رۆكاتیا جاكۆپى لۆمباردى وكریستوفى ریلیته‌ن ژ ئۆفیسا ECHO TEAM سه‌ردانا پارێزگه‌ها دهۆكێ- بۆردێ كاروبارێن مرۆڤایه‌تى كرن و هاتن پێشوازیكرن ژلایێ به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران

ل ده‌ستپێكێ به‌رێز إسماعیل محمد سۆپاسیا شاندێ مێڤاندار كر بۆ سه‌ردانا وان و داخواز كر كو بتر پشته‌ڤانیى ل ئاواران وپه‌نابه‌ران بكه‌ن پێخه‌مه‌ت بتر باش كرنا ره‌شا ئاواران و په‌نابه‌ران، هه‌رهۆسا هه‌ردۆ ئالیان دان و ستاندن ل سه‌ر چه‌ندین سه‌گته‌رێن ژیارا ناڤ و ده‌رڤه‌ی كه‌مپان كر و پاشه‌رۆژا وان ل هه‌رێما كوردستانێ و چاوانیا گه‌هاندنا هاریكاریێن مرۆڤایه‌تى، ئارمانجا سه‌ردانا شاندێ ناڤبرى ژ نیزیك هایدار بوون ل سه‌ر ره‌وشا ئاواران و په‌نابه‌ران وچاوانیا گه‌هاندنا هاریكاریان و خۆشكرنا ره‌وشا وان