The Website is under upgrading and soon will be completed
English کوردی عربى

قۆنسلێ گشتى یێ بریتانیا ل هه‌رێما كوردستانێ سه‌ردانا كه‌مپا شاریا كر



ئه‌ڤرۆ رێكه‌فتى 23/9/2019 به‌رێو جیمس سورنتون قۆنسلێ بریتانیا ل هه‌رێما كوردستانێ و شانده‌كى گه‌ل دا سه‌ردانا كه‌مپا شاریا یا ئاواران كر و هاتن پێشوازیكرن ژلایێ به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران و به‌رێز هكار محمد امین رێڤه‌به‌رێ كه‌مپا شاریا
دپه‌یڤه‌كێ دا به‌رێز إسماعیل محمد بخێرهاتنا شاندێ میڤاندار كر بۆ سه‌ردانا وان بۆ پارێزگه‌ها دهۆكێ و دیتنا ره‌وشا ئاواران و سۆپاسیا حكومه‌تا بریتانى كر بۆ پشته‌ڤانیا وان بۆ هه‌رێما كوردستانێ دچه‌ندین سه‌كته‌ران دان، و داخواز كر كو به‌رده‌وام بن ل سه‌ر هاریكارى و پشته‌ڤانیا خۆ دبوارێ مرۆڤایه‌تى دا
به‌رێز جیمس سۆرنتۆن قۆنسلێ بریتانیا دیار كر كو ئارمانجا سه‌ردانا وان دیتنا ره‌وشا ئاواران و دیفچۆنا وان خزمه‌تێن یاسایى دكه‌ن ئه‌وێن دهێنه‌ پێشكێشكرن بۆ ئاواران و ب تایبه‌ت د بوارێ ده‌رخستنا به‌لگه‌نامێن بارێ شارستانى و یێن عیراقى، هه‌رهۆسا دیاركر كو ئه‌و دێ به‌رده‌وام بن پێخه‌مه‌ت هه‌مى ئاواره‌ به‌لگه‌نامێن خۆ ب ده‌ست ڤه‌ بینن
پاشى شاندێ میڤاندار سه‌ردانا ناڤا كه‌مپێ كر و دگه‌ل پێك هاتێ جودا جودا ژ ئاواران رینشت پیخه‌مه‌ت ژ نیزیك گهودار بوونا داخوازیێن وان