باوه‌رناما راهێنه‌ریێ بۆ ژماره‌كا كه‌سان د سیسته‌مێ كامیرێن چاڤدێریێ دا هاته‌ به‌خشین


ل رێكه‌فتى 19/9/2019 ب ئاماده‌بوونا به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران ب ئاماده‌بوونا به‌رێز عارف حیتو نوینه‌رێ وه‌زاره‌تا كار و كاوبارێن كۆمه‌لایه‌تى و نینه‌رێ رێكخراوا (يونيدؤ) ل رێڤه‌به‌ریا راهێنانێن پێشه‌یى ل پارێزگه‌ها دهۆكێ رێ و ره‌سمێن دۆماهیك ئینانا خۆلا سیسته‌مێ چاڤدێریێ و دانا باوه‌رنامێن راهێنه‌راتیێ بۆ ژماره‌كا كه‌سان ل سه‌ر ئاستێ هه‌رێما كوردستانێ هاتن ئه‌نجام دان
د په‌یڤه‌كێ دا به‌رێ إسماعیل محمد هاریكارێ پارێزگارێ دهۆك ده‌ست خۆشى ل رێڤه‌به‌ریا راهێنانێن پێشه‌ى كر بۆ كارێن وان و به‌رده‌وامیا ئه‌نجام دانا خۆلێن پێشه‌ى بۆ ئاواران و په‌نابه‌ران و خه‌لكێ خۆجهێ پارێزگه‌ها دهۆكێ، دیسان ده‌ست خۆشى ل رێكخراوا (يونيدؤ) كر بۆ رێكخستن و راهێنان كرنا وان بۆ به‌شداران دیسان داخواز كر كو ئه‌و كه‌سێن به‌شدار بووین مه‌فایێ خۆلێ وكارێ راهێنه‌راتیێ رابن پێخه‌مه‌ت بتر فێركرنا هاولاتیان ل سه‌ر دانا سیسته‌مێ كامیرێن چاڤدێریێ و پاراستنا ئێمناهیێ ل هه‌رێما كوردستانێ
هه‌ژى گۆتنێ یه‌ ئاماژه‌ بده‌ن كو ئه‌ڤ خۆله‌ هاتبوو ئاماده‌كرن ژلایێ رێكخراوا (يونيدؤ) ب پشته‌ڤانیا حكومه‌تا نمسا و هه‌ڤكارى دگه‌ل رێڤه‌به‌ریا راهێنانێن پێشه‌یى ل دهۆكێ، بۆ ماۆێ دوو هه‌فتیان یا به‌رده‌وام بو و 9 كه‌س ژ ناوچێن جودا جودایێ هه‌رێما كوردستانێ به‌شدار بون و ل دماهیا خۆلێ باوه‌رنامێن (تي او تي) یا راهێنانێن پێشه‌یى بۆ به‌شدار بوێن خۆلێ هاته‌ به‌حشین