هاریكارێ پارێزگارێ دهۆكێ داكوكى ل رێكخراوان دكه‌ت پشته‌ڤانیێ ل پرۆژێ ئاڤا خراب دێمێ بكه‌ن


ل رێكه‌فتى 18/9/2019 ل ئاڤاهیێ بۆردێ كارو بارێن مرۆڤایه‌تى ب سه‌رپه‌رشتیا به‌رێز إسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران و ب ئاماده‌بوونا به‌رێز ادریس نبى صالح رێڤه‌به‌رێ جێ به‌جێ كار یێ بۆردێ كاروبارێن مرۆڤایه‌تى برها و رێڤه‌به‌رێ ئاڤا دهۆكێ و نینه‌رێ ئاڤا ده‌وروبه‌ران، كۆمبوونه‌ دگه‌ل رێكخراوێن (ان جى او، يو اين) ل دۆر پرۆژێ ئاڤا خراب دێمێ هاته‌ ئه‌نجام دان
دكۆمبوونێ دا باس ل ره‌وشا ئاڤێ ل سنورێ پارێزگه‌ها دهۆكێ و قه‌زا سێمێلێ و كه‌مپێن سنورێ قه‌زا ناڤ برى هات كرن، هاریكارێ پارێزگارێ دهۆكێ داكوكى كر كو رێكخراوێن بیانى هاریكاریێ و پشته‌ڤانیێ ل پرۆژێ ئاڤا خراب دێمێ بكه‌ن ژ به‌ركو ئه‌ڤه‌ ماوه‌كه‌ چه‌ند كێشه‌ هه‌نه‌ و پرۆژه‌ یێ پیدڤى ب پشته‌ڤانیێ هه‌یه‌، دیسان باس ل گرنگیا پرۆژێ ناڤبرى هاته‌ كرن ژبه‌ر كو ژێده‌رێ سه‌ره‌كیێ ئاڤێ یه‌ بۆ ژماره‌كا مه‌زن ژ ئاواران و په‌نابه‌ران و خه‌لكێ خۆجهێ پارێزگه‌ها دهۆكێ، پاشى رێكخراوان تیبنى و دان و ستاندن كرن پێخه‌مه‌ت چاوانیا پشته‌ڤانیكرنا پرۆژه‌ى و باش كرنا ره‌وشا ئاڤێ ل ناوچێ