Exemple

کۆمبوونا ھەماھەنگی یا بۆردێ کاروبارێن مرۆڤایەتی و رێکخراوێن نیڤ دەولی ل سەر رەوشا ئاواران و پەنابەران ھاتە ئەنجام دان


ل رێکەفتی ١/٧/٢٠١٩ ل ئاڤاھیێ پارێزگەھا دھۆکێ ب سەرپەرشتیا بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران کۆمبوونا ھەماھەنگی یا بۆردی و رێکخراوێن نیڤ دەولی ل دۆر رەوشا ئاواران و پەنابەران ل سنورێ پارێزگەھا دھۆکێ ھاتە ئەنجام دان
دکۆمبوونێ دا دان و ستاندن ل دۆر رەوشا ئاواران و پەنابەران ل ناڤ و دەرڤەی کەمپان ھات کرن، و نیترین داتا و پێشھات و پیدڤی و داخوازیێن ئاواران و پەنابەران د سەکتەرێن (پاراستن، ساخلەمی، پەروەردە، دابینکرنا پیدڤیێن ژیانێ و رەوشا کەمپان) باس لێ ھات کرن، ھاریکارێ پارێزگارێ دھۆکێ داکوکی ل رێکخراوان کر بتر کار بکەن پێخەمەت ئەنجام دانا پرۆژان ل ناڤ ئاواران و پەنابەران، چنکو ئاوارە و پەنابەر ل سنورێ پارێزگەھا دھۆکێ پیدڤی بتر ھاریکاریێ نە پیخەمەت رەوشا ژیارا وان خۆشتر لێ یھێت، دیف دا نویترین ئامار و داتا و کێشەیێن ئاواران و پەنابەران ژلایێ رێکخراوان ڤە ھاتن باس لێ کرن و ھەر رێکخراوەک بەرنامە و پلانێ کارێ خۆ ل ناڤ کەمپان و دەرڤەی کەمپان شرۆڤەکرن و دان و ستاندن ل سەر ھات کر

Facebook Twitter Google Digg Reddit LinkedIn Pinterest StumbleUpon Email