بۆردێ کاروبارێن مرۆڤایەتی وکارگیریێن کەمپان ل سەر نویترین پێشھات ل دۆر ئاواران و پەنابەران باس کرن


ل رێکەفتی ١٥/٥/٢٠١٩ ل ئاڤاھیێ برھا و ب ئامادەبوونا بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران کۆمبوونا بۆردێ کاروبارێن مرۆڤایەتی دگەل رێڤەبەرێن کەمپان ل سنورێ پارێزگەھا دھۆکێ ھاتە ئەنجام دان
دکۆمبوونێ دا دان و ستاندن ل سەر چەندین سەکتەران ھاتە کرن، ھاریکارێ پارێزگاری داکوکی ل کارگیریێن کەمپان کر بتر کار بکەن پێخەمەت پێشڤەبرنا رەوشا کەمپان و چارەسەرکرنا کێشان و گەھاندنا خزمەتان بۆ ئاواران و پەنابەران ب ئارمانجا بتر خۆشکرنا رەوشا ژیارێ ل ناڤ کەمپان ل سنورێ پارێزگەھا دھۆکێ
پاشی دان و ستاندن ل سەر ھەمی سەکتەرێن ژیارێ ل ناڤ کەمپان ھات کرن و رێڤەبەرێن کەمپان پلان و رەوش و نویترین پێشھاتی سەبارت کەمپێن ئاواران و پەنابەران دانە دیارکرن و دان وستاندن ل سەر ھاتە کرن