Exemple


ل رێكه‌فتى 27/8/2019 به‌رپرسێ نوى یێ ئۆفیسا دهۆك ێى رێكخراوا (دبلیو ایف پى) به‌رێز نعمه‌ الله سه‌ردانا پارێزگه‌ها دهۆكێ بۆردێ كاروبارێن مرۆڤایه‌تى كر و ژلایێ به‌رێز اسماعیل محمد احمد هاریكارێ پارێزگارێ دهۆكێ بۆ كاروبارێن ئاواران و په‌نابه‌ران ڤه‌ هاته‌ پێشوازیكرن
به‌رپرسێ نوى یێ رێكخراوا ناڤبرى ئه‌ڤرۆ ده‌ست ب ئه‌ركێ خۆ كر ل رێڤه‌به‌رنا رێكخراوا (دبلیو ایف پى) پشتى ئه‌ركێ به‌رێز براشاند ادهیكارى ب دۆماهیك هاتى، ژبه‌ر ڤێ یه‌كێ سه‌ردانا بۆردێ كارو بارێن مرۆڤایه‌تى هات كرن پێخه‌مه‌ت دانا پێناسینه‌ ناڤبرى و باس كرن ل پلان و كارێ وى ل رێكخراوێ
به‌رێز اسماعیل محمد سۆپاسیا به‌رپرسێ كه‌ڤن كر ژبۆ وى كار و خزمه‌تا پێشكێشكرى ل ناڤ ئاواران و په‌نابه‌ران و داخوازا سه‌ركه‌فتێ بۆرا كر، دیسان پیرۆزباهى ل به‌رپرسێ نوى كر و داخواز كر بتر كار بهێته‌ ئه‌نجام دان ل ناڤ ئاواران و په‌نابه‌ران پێخێمه‌ت بتر خۆشكرنا ره‌وشا وان ل سنورێ پارێزگه‌ها دهۆكێ، باشى باس ل سه‌ر چه‌ندین ته‌وران هات كرن ده‌رباره‌ى ئاواران و په‌نابه‌ران ل ناڤ و ده‌رڤه‌ى كه‌مپان

Facebook Twitter Google Digg Reddit LinkedIn Pinterest StumbleUpon Email
Exemple


د پرێس كۆنفرانسه‌كى دا بۆردێ كاروبارێن مرۆڤایه‌تى پرۆژێ شه‌ش هه‌یڤێن بۆرى ل ناڤ كه‌مپێن ئاواران و په‌نابه‌ران دیار كر، ل رێكه‌فتى 24/8/2019 به‌رێز سالم سعید به‌رپرسێ راگه‌هاندن و په‌یوه‌ندیان ل بۆردێ كارو بارێن مرۆڤایه‌تى، ئامارا پرۆژێن شه‌ش هه‌یڤێن بۆرى بۆ سازیێن راگه‌هاندنێ دا دیاركرن
سالم سه‌عید دیاركر كو دشه‌ش هه‌یڤێن بۆرى دا چه‌ندین پرۆژه‌ ل ناڤ كه‌مپان هاتنه‌ ئه‌نجام دانه‌، ژوان برۆژان: پرۆژێ وزا كاربێ ل كه‌مپا مام ره‌شان كو بۆ هه‌ر خێزانه‌كێ شه‌ش ئه‌مپێرێ كاره‌بێ هاتنه‌ دابینكرن و 220 خێزان مفادار بوونه‌ پرۆژه‌ ژلایێ رێكخراوا كاریتاس و كۆمپانیا (ئات مس فۆر) یا ئه‌لمانى ڤه‌ هاتیه‌ ب جهـ ئینانه‌، پرۆژێ خۆدانكرنا ئاژه‌لان و مریشان بۆ 101 خێزانێن په‌نابه‌رێن كه‌مپا گه‌ویلان وبه‌رهه‌مێ وان بۆ وان په‌نابه‌رانه‌ ژلاێى رێكخراوا (یو نى دۆ) یا ژاپۆنى ڤه‌ هاتیه‌ ئه‌نجام دانه‌، هه‌ر هۆسا ل كه‌مپێن دۆمیز ئێك و دوو 650 په‌نه‌لێن وزا رۆژێ هاتنه‌ دانینه‌، و ل كه‌مپا دۆمیز دوو ده‌ست ب ئاڤاكرنا 160 شه‌نكستێن خانیا هاتیه‌ كرنه‌ ژلایێ رێكخراوا (یۆ ئین سى ار)، و نوژه‌نكرنا 1035 شه‌نگه‌سته‌ وخیڤه‌تان ل كه‌مپا شێخان هاتیه‌ كرنه‌ ژلایێ رێكخراوێن (حى أی زید، جى ار سى، ده‌زگایێ خێر خوازى یێ بارزانى)، پرۆژێ گۆهرینا كێبه‌لێن كه‌هره‌بێ ل زؤربةى كه‌مپان ژلایێ رێكخراوا ئه‌كتد، چێكرنا 800 توالێتا ل كه‌مپا بێرسڤێ ئێك ژلایێ كاریتاس، پرۆژێ رۆناهیێ ل كه‌مپا باجد كه‌ندالا ژلایێ رێكخراوا ئه‌كتد، چێكرنا نهانى یا (سقیفه‌) بۆ 73 كابینان ل كه‌مپا مام رشان، چێكرنا هێلا كه‌هره‌با سه‌ره‌كى بۆ كه‌مپا ئیسیان ژلایێ رێكخراوا (پى دبلیو جى)، به‌رفره‌هكرنا قۆتابخانا شاریا ژلایێ رێكخراوا (سى ار سى)، دیسان پرۆژيَن جودا جودا یێ (كاش فۆر ورك) ل ناڤ كه‌مپێن (به‌رده‌ره‌ش، شێخان، دۆمیز1و 2، ئاكرێ، خانكێ) هاتنه‌ ئه‌نجام دانه‌ و 300 كرێكاران ژ ئاوارا و په‌نابه‌ران مفادار بوونه‌
ژلاه‌كى دیڤه‌ به‌رێز سالم سعید دیار ل رێكه‌فتى 26/8/2019 ده‌ست ب پرۆسسا گۆهارتنا خیڤه‌تان ل ناڤ كه‌مپان ده‌ست پێكر ویه‌كه‌م جار دێ ل كه‌مپا چه‌م مشكۆ ده‌ست پێكه‌ت،
و دیاركر كو كو ئه‌و خیڤه‌تێن هاتن ئاماده‌كرن بۆ به‌لاڤكرنێ ژمارا وان 20500 خیڤه‌تن، پێنج هه‌زار ل كه‌مپا چه‌م مشكو، ل كه‌مپێن كه‌به‌رتۆ ئێك، كه‌به‌رتو دوو و ئێسیان هه‌ر یه‌ك سێ هه‌زار خیڤه‌ت، ماملیان پێنج سه‌د، شاریا چار هه‌زار و بێرسڤێ ئێك ژی دوو هه‌زار خیڤه‌ت، دیسان سالم ئاماژا وێ یه‌كێ دا كو ژمارا وان خیڤه‌تان 14500 چارده‌ هه‌زارو پێنج سه‌د خیڤه‌تن كو ژلایێ حكومه‌تا عێراقێ ڤه‌ هاتنه‌ دابینكرنه‌، و 6000 شه‌ش هه‌زار ژلاێى رێكخراوا ئه‌كتد ڤه‌ هاتنه‌ ته‌رخان كرن كو سه‌ر جه‌مێ گشتى یێ خیڤه‌تان دبه‌ت 20500 بیست هه‌زار و پێنج سه‌د خیڤه‌ت، 14500 خیڤه‌ت ژلایێ وزاره‌تا كوچ و كوچبه‌ران یا حكومه‌تا عیراقێ هاتنه‌ دابینكرنه‌ و 6000 هه‌زار ژلایێ رێكخراوا ئه‌كتد ڤه‌ هاتنه‌ دابینكرنه‌
دیسان چه‌ندین پرۆژه‌ رازه‌مه‌ندى ل سه‌ر هاتنه‌ كرنه‌ و كه‌تنه‌ ته‌نده‌رى دا ژ وان پرۆژان، رێكا سه‌ره‌كى یا كه‌مپا خانێ، رێكا سه‌ره‌كى یا كه‌مپا شێخان، 4كم ئاڤ رێژا كه‌مپا بێرسڤێ ئێك، 8كم ئاڤ رێژا كه‌مپا چه‌م مشكۆ، 2كم رێكا چه‌م مشكۆ
هه‌ژى گۆتنێ یه‌ ئاماژه‌ بده‌ن كو پارێزگه‌ها دهۆكێ- بۆردێ كاروبارێن مرۆڤایه‌تى به‌رده‌وام كار دكه‌ت پێخه‌مه‌ت بتر خۆشكرنا ره‌وشا ئاواران ل سنورێ پارێزگه‌ها دهۆكێ، و ئه‌ڤ پرۆژێن هاتنه‌ ئه‌نجام دان ب هه‌ماهه‌نگى یا بۆردێ كاروبارێن مرۆڤایه‌تى بوو، ئارمانجا به‌لاڤكرنا ڤان ثرؤذان خۆ به‌رهه‌ڤكرنه‌ بۆ وه‌رزێ رڤستانێ و داكو ره‌وشا ژیارا ئاواران ل ناڤا كه‌مپا باشتر بیت.

Facebook Twitter Google Digg Reddit LinkedIn Pinterest StumbleUpon Email
Exemple

ئەڤڕۆ ل رێکەفتی 6/8/2019ێ و لدەمژمێر 7ی سپێدێ ل کەمپا چەم مشــکۆ کەرتێ (ئيج 10) د بویەرەکا ئاگر بەربونێدا ئاگر ب هەژمارەکا چادران کەت ،
مەئمون یەحیا ڕێڤەبەرێ کەمپا نافهاتی بو مالپەرێ بوڕها ڕاگەهاند، کو ژ ئەنجامێ شورتەکێ کارەبێ ئاگر ب 20 چادران کەت نافبری خویاکر ژی کو هیچ زیانەکا گیانی نەبون بتنێ زیانێن ماددی بون و دیار کر ژی کو هەمی لایەک هاتنە هیدار کرن لسەر ڤێ بویەرێ دەست ب ئامادەکاریان هاتینە کرن ژ بو قەرەبوکرنا ڤان خێزانان و هەروەسا ڕێڤەبەرێ کەمپێ ئەو یەک ژی دازانین کو ڕێکخراوێن دناڤا کەمپێدا بەرهەڤیا خو دیار کر ژ بو چێکرنا وان بەلگەنامە و پێدڤیێن نافمالی ئەوێن ژ ئەنجامێ ڤێ شەواتێ هاتینە سوتن ،
ژ هەژی ئاماژەپێکرنێ یە کو ل دەسپێکا ڤەکرنا کەمپێ هەتا نها ئەڤە هەشتەم بویەرا ئاگر بەربونێ یە ل کەمپا چەم مشکو ڕۆبدەت و کەسەکێ جانێ خو ژ دەست بوو د بویەرێن رابوریدا

Facebook Twitter Google Digg Reddit LinkedIn Pinterest StumbleUpon Email
Exemple


بئامادە بونا بەرێز إسماعیل محمد احمد ھاریکاری باریزکاری دھوکی بو کاروبارین ئاواران و پەنابەران وخانم لیلا محمد صالح بەربرسا بروگرامی ل بوردی و انا ووزناک و جینا بوریلا ریفەبەرین بروژەی ل ریکخراوا (پ،ل، ئیس) وژمارەکا رێڤەبەرین کەمپێن ئاواران و پەنابەران و کەسوکارین بشکداران، رێ و رەسمێن دەرچونا خۆلین زمانی ئینکلیزی و (ئای، تی) ل خۆتێلا رێکسوس بریڤەچۆن
ل دەستبیکی پەیڤا نوینەرین رێکخراوا ناڤبری ھات خۆندن وتێدا باسی گرنگیا ڤان جۆرە خۆلا کر بو بشکدارین ژئاوارا و پەنابەرا و خەلکی خۆجھی دەڤەرێ و دیارکر کو رێکخراوا وان یا بەردەوامە بۆ ئەنجامدانا چەندین خۆلێن دی یین بھیزکرنی، ھەژی گۆتنی یە دیاربکەن کو ئەڤ خۆلە ب پشتەڤانیا رێکخراوا (جی، ای، زید) یا ئەلمانی بویە وب ھەڤکاری یا بوردێ کاروبارین مروفایەتی و ریکخراوا (پ، ل، ئیس) ھاتیە ئەنجام دان
دیف دا پەیڤا بەرێز اسماعیل محمد ھاریکارێ پارێزگارێ دھۆکێ ھاتە پێشکێشکرن، ل پێشیێ دەست خۆشی ل رێکخراوێن رێکخەرێ ڤان خۆلان کر و پیرۆزباھی ل قۆتابیێن بەشدار و دەرچۆیی کر و داخواز کر کو ئەڤ جۆرە خۆلە یێ بەردەوام بن پێخەمەت بتر پشتەڤانیکرنا گەنجان و بلند کرنا ئاستێ وان یێ رەوشەنبیری و زانستی و پاشی پەیدا کرنا دەلێڤێن کاری ب رێکا ڤان خۆلان
ھەژی گۆتنێ یە ئاماژە بدەن کو خۆل پێک ھاتی بوون ژ (ئینگلیزی و کۆمبیۆتەر) و بۆ ماوێ شەش ھەیڤان یێ بەردەوام بوون، ل دۆماھیا خۆلان باوەرنامە ل سەر بەشدار بووان ھاتن بەلاگکرن

Facebook Twitter Google Digg Reddit LinkedIn Pinterest StumbleUpon Email
Exemple


ل رۆژا پێنج شەمبێ ل رێکەفتی ١٨/٧/٢٠١٩ بەرێز تۆلەر بالیوزێ ولایەتیێن یەکگرتیێن ئەمریکا ل عێراقێ و قۆنسلێ گشتی یێ وی وەلاتی ل ھەرێما کوردستانێ سەردان کەمپا شێخان یا ئاواران کرن و ژلایێ رێڤەبەرێ کەمپێ بەرێز عامر عەبۆ و دەستەکا کارگیریا کەمپێ ڤە ھاتە پێشوازیکرن
سەردانا بالیوزی بۆ چەند مەرەما بوو، داکو ژ نیزیک ھایدرا بوونا رەوشا ئاواران و بتایبەت ئاوارێن ئێزدی یێ دناڤا کەمپا و دیتنا رەوشا وان پشتی کارەستا کوردێن ئیزدی ل شنگال ھاتی ئەنجام دان، ھەرھۆسا گەھاندنا ھاریکاریێن تەندروستی و چارەسەریا دەرونی بۆ ئاواران و گرنگی دان ب تەخا گەنجان و زارۆکان و پەروەردەکرنا وان دیسان پێشڤەبرنا روبەرێ ھەڤالینیی یێ زارۆکان یێن ل ناڤا کەمپان
ل دۆماھیێ بەرێز تۆلەر سەردانەک برنا ناڤا تەخێن کەمپێ و چەندیین خێزان دیتن پێخەمەت ژ نیزیک گۆھداریکرنا گلە و گازندە و داخوازیێن وان ل ناڤ کەمپا و چاوانیا گەھاندنا ھاریکاریانبۆ وان

Facebook Twitter Google Digg Reddit LinkedIn Pinterest StumbleUpon Email
Exemple

ل رێکەفتی ١٧/٧/٢٠١٩ ل ئاڤاھیێ بۆردێ کاروبارێن مرۆڤایەتی بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران و ھێژا ادریس نبی ێالح رێڤەبەرێ جێ بەجێ کار یێ بۆردێ کاروبارێن مرۆڤایەتی پێشوازی ل خانم ماریا ارتین جێگرا بەرپرسا رێکخراوا (دبلیو ایف بی) ل عیراقێ کر
ھەردۆ ئالیان باس ل نیترین پێشھات سەبارەت رەوشا ئاواران و پەنابەران کرن، و بتایبەت بابەتێ ھاریکاریێن ئاھێن خوارنێ و چاوانیا دابەشکرنا کارتێن دراڤی ل سەر ئاواران و پەنابەران، ھاریکارێ پارێزگارێ دھۆکێ داخواز کر کو رێکخراوا ناڤبری یا بەردەوام بت ل سەر پشتەڤانیکرنا پارێزگەھا دھۆکێ دبوارێ ئاواران و پەنابەران دا، چنکو رەوشا ژیارێ یا ئاواران و پەنابەران ل ناڤ و دەرڤەیی کەمپان یا بتر پیدڤی ھاریکاریێ یە، و بتایبەت دبوارێ گەھاندنا ھاریکاریێن مرۆڤی و ئاھێن خوارنێ دا
ژلایێ خۆڤە خانم ماریا دیارکر کو رۆژ بۆ رۆژێ پشتەڤانی و ھاریکاریێن مرۆڤی ب تایبەت دبوارێ ئاھێن خوارنێ دا و بەلاڤکرنا کارتێن دراڤی ژلایێ حڤاکێ نیڤ دەولی ڤە کێم دبەت، دیسان دیارکر کو ئەو دێ بەردەوام بن ل سەر ھەماھەنگیێ خۆ دگەل لایەنێ پەیوەندیدار پیخەمەت گەھاندنا ھاریکاریان بۆ ئاواران و پەنابەران ل سنورێ پارێزگەھا دھۆکێ وباش کرنا رەوشا وان

Facebook Twitter Google Digg Reddit LinkedIn Pinterest StumbleUpon Email
Exemple


ل رێکەفتی ١٧/٧/٢٠١٩ ل ئاڤاھیێ بۆردێ کاروبارێن مرۆڤایەتی بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران پێشوازی ل خانم نیتا شۆتا بەرپرسا رێکخراوا (یو، این، سی ار) ل ھەرێما کوردستانێ کر
ھەردۆ ئالیان باس ل نیترین پێشھات سەبارەت رەوشا ئاواران و پەنابەران کرن، ھاریکارێ پارێزگارێ دھۆکێ داخواز کر کو رێکخراوا ناڤبری یا بەردەوام بت ل سەر پشتەڤانیکرنا پارێزگەھا دھۆکێ دبوارێ ئاواران و پەنابەران دا، چنکو رەوشا ژیارێ یا ئاواران و پەنابەران ل ناڤ و دەرڤەیی کەمپان یا بتر پیدڤی ھاریکاریێ یە، ژلایێ خۆڤە خانم نیتا شۆتا دیارکر کو ئەو دێ بەردەوام بن ل سەر ھەماھەنگیێ دگەل بۆردێ کاروبارێن مرۆڤایەتی و ھاریکاریێن خۆ ل ناڤ و دەرڤەی کەمپان پیخەمەت باش کرنا رەوشا ئاواران و پەنابەران

Facebook Twitter Google Digg Reddit LinkedIn Pinterest StumbleUpon Email
Exemple

ل رێکەفتی ١١/٧/٢٠١٩ کۆمبوونەکا ھەماھەنگی و چاوانیا خۆشکرنا رەوشا ئاواران و پەنابەران ل سنورێ پارێزگەھا دھۆکێ ھاتە ئەنجام دان دناڤبەرا بەرێز إسماعیل محمد احمد ھاریکارێ پارێزگارێ دھۆکێ بۆ کاروبارێن ئاواران و پەنابەران و خانم حمیدا بەرپرسا رێکخراوا یونسیف ل عیراقێ و ادیس بەرپرسێ رێکخراوا یونسیف ل دھۆک ب بەشدار بوونا نینەرێن باژێرڤانیا و ئاڤێ ل پارێزگەھا دھۆکێ و دەوروبەران


کۆمبوون یا تایبەت بوو ل سەر چاوانیا باش کرنا رەوشا پشکا ئاڤ و ئاڤەرۆ ل ناڤ و دەرڤەی کەمپان، ھاریکارێ پارێزگارێ دھۆکێ داخواز کر کو رێکخراوا یونسیف یا بەردەوام بت ل سەر پشتەڤانیکرنا رەوشا واش، و ل گۆرەی گۆتنا ھاریکارێ پارێزگاری ئەڤ پشکە یا پیدڤی بتر ھاریکاریایە و پشتەڤانیا حکومی دبوارێ ڤێ پشکێ دا نە ل ئاستێ پیدڤیە، ژلایێ خۆڤە بەرپرسێ رێکخراوا یونسیف دیارکر کو ئەو دێ بەردەوام بن ل سەر ھاریکاریێن خۆ وپشتەڤانیکرنا رەوشا ئاڤ و ئاڤەرۆ ل ناڤ کەمپان پیخەمەت باش کرنا رەوشا ئاواران و پەنابەران و گەھاندنا ھاریکاریان

Facebook Twitter Google Digg Reddit LinkedIn Pinterest StumbleUpon Email
Exemple


ل رێکەفتی ٨/٧/٢٠١٩ رێڤەبەریا گشتی یا رەوشەنبیر و ھۆنەری ل دھۆکێ و رێڤەبەریا شانۆیێ ب ھەڤکاری دگەل پەمانگەھا فرنسی ل ھەولێرێ و گرۆپێ ئاکتی یێ شانۆیێ، رابوون ب نمایشکرنا شانۆگەریا دوو تۆنیل ل کەمپا دۆمیز١
شانۆگەری ل ناڤا کۆلانێ کەمپا دۆمیز١ ھاتە نمایشکرن و ژمارەکا مەزنا ژ پەنابەرێن کەمپێ ل دەمێ نمایشکرنێ ئامادەبوون، بابەتێ شانۆیێ ل دۆر رەوشا جڤاکی یا خێزانا و پەنابەران بوو و ب ئاوایەکی کۆمیدی ھاتە پێشان دان

Facebook Twitter Google Digg Reddit LinkedIn Pinterest StumbleUpon Email
Exemple


وەزارەتا ناڤخۆیا عیراقی و پارێزگەھا دھۆکێ- بۆردێ کاروبارێن مرۆڤایەتی و کۆمسیونا بلندا نەتەوێن یەکگرتی یا پەنابەران ب ھەڤکاری دگەل رێکخروێن قەندیل و ھاریکاری ل رێکەفتی ٧/٧/٢٠١٩ بەلگەنامێن بارێن شارستانی و عیراقی بۆ ١٠٠٠ ئاواران ل کەمپا بێرسفێ١ جێکرن
د رێ و رەسمەکی تایبەت دا ب ئامادەبوونا بەرێز ادریس نبی صالح رێڤەبرێ جێ بەجێ کار یێ بۆردێ کاروبارێن مرۆڤایەتی و ئامادەبوونا لواء محمد ساجت رێڤەبەرێ دیفچۆنا گشتی یا وەزارەتا ناڤحۆیا عیراقێ وبەرێز دیڤید مالبوا رێڤەبەرێ گشتی یێ کۆمسیونا بلندا نەتەوێن ئێکگرتی یا پەنابەران ل دھۆکێ و ب ئاماەبوونا ژ مارەک مەزن یا ئاوارێن کەمپێ بەلگەنامێن بارێ شارستانی و عیراقی ل سەر ١٠٠٠ ئاوارێن کەمپا بێرسڤی١ ھاتن بەلاڤکرن، ئەڤ پرۆسسا دێ یا بەردەوام بت ھەتا ھەمی بەلگەنامێن ئاواران بھێن چێ کرن و پاشی نڤیسینگەھێن ب ھەمان ئارمانج دێ ل کەمپێن دی ھێن ڤەکرن پێخەمەت چارەسەرکرنا کێشێن ئاواران و بتایبەت ئەوێن بەلگەنامێن خۆ ژ دەست داین داکو ھەمی بەلگەنامێن وان یێن عیراقی و بارێ شارستانێ بھێن چێکرن

Facebook Twitter Google Digg Reddit LinkedIn Pinterest StumbleUpon Email